"Jenoa" bu mavsumdagi eng yirik mag‘lubiyatini bugungi raqibidan qabul qilib olgandi. Hisob yodingizdami?

Italiya chempionatida ikkinchi davra bahslari boshlangan. "Jenoa" bugun A Seriya doirasida "Napoli" bilan kuch sinashadi.

E’tiborlisi, genuyaliklar birinchi davrada neapolliklardan 6:0 hisobida engilgandi. Bellashuv Neapolda o‘tkazilgandi. Bu Eldor Shomurodov jamoasining joriy mavsumdagi eng yirik mag‘lubiyatidir. "Jenoa" shuningdek, "Yuventus" va "Roma"ga 3:1 hisobida imkoniyatni boy bergan.

Bugun "Jenoa" birinchi davradagi mag‘lubiyat uchun raqibiga javob bera olarmikin? Buni tunda 00:45da boshlanadigan uchrashuvdan so‘ng bilib olamiz.