Жон Жонс Ислам Махачевни танқид қилди

UFC оғир вазн тоифаси чемпиони Жон Жонс Ислам Махачевнинг Дастин Порье билан жангини танқид қилди.

"Сўнгги дақиқада рақибини бўғгани учун Исламни энг яхши жангчи деб аташ қанчалик тўғри? Менимча, жароҳатдан сўнг бошқа чора тополмай ҳолдан тойган Порьени бўғиб қўя қолди", - деб ёзди Жонс ижтимоий тармоқларда.

Аммо бир неча дақиқа ўтгач, Жон ёзганларини ўчириб ташлади.

Маълумот ўрнида, кеча Ислам Махачев камар ҳимоя жангида Дастин Порьени бешинчи раундда бўғиб қўйди ва енгил вазн тоифаси чемпионлигини ўзида сақлаб қолди. Шу тариқа, Ислам вазн тоифасидан қатъий назар энг кучли жангчилар рейтинги P4P да ҳали-ҳамон етакчилик қилмоқда.