Жонатан Дэвид «Ювентус»дан кетишдан бош тортди

«Ювентус» таркибида тўп суриб келаётган канадалик ҳужумчи Жонатан Дэвид Туркиянинг бир клуби таклифини рад этди. Бу ҳақда журналист Николо Скира хабар берди.

Манба маълумотига кўра, Суперлиганинг номаълум клуби 26 ёшли форвардни ўз сафига қўшиб олишга уринган, аммо Дэвид бу вариантга рози бўлмаган. Ҳозирча у «Ювентус» билан 2030 йилгача амал қиладиган шартнома асосида ўйнамоқда. Унга ҳар мавсум учун олти миллион евро маош ва қўшимча равишда икки миллион евро миқдорида бонуслар мўлжалланган. Шу боис, ҳужумчининг туринликлар сафини тарк этиш нияти йўққа ўхшайди.

Ўтган мавсумда Жонатан Дэвид барча мусобақаларни ҳисобга олган ҳолда 46 та ўйинда майдонга тушди, саккизта гол урди ва бешта голли узатма муаллифига айланди.