Канчельскис яна интервью берди

"Навбаҳор" собиқ бош мураббийи Андрей Канчельскис "Манчестер Юнайтед" ярим ҳимоячиси Поль Погба ҳақида фикр билдирди.

"Погба доим МЮдан кетаман, деяверади. Менимча, у шунчаки клубдан кетиши керак. Менга ёқмаяпти, менга бу иш маъқул эмас, кетишни истайман, деб юрмай, кет бўлди, муаммо йўқ.

Бу борада, унинг агенти Мино Райола ҳам катта муаммо бўлмоқда. Агент доим у Манчестерда бахтсиз эканлигини айтади.

Агар, сен "Манчестер Юнайтед" учун ўйнамоқчи бўлсанг, чин юракдан, 100 фоиз кучингни беришинг лозим. Афсус, Погба ажойиб футболчи," - деди Канчельскис.