Kandreva "Inter"ni tark etmaydi

“Inter” klubi yarim himoyachisi Antonio Kandreva yozgi transferlar mavsumida jamoani tark etmaydi. Bu haqda futbolchining agenti Federiko Pastorello ma’lum qilgan.

– Kandreva “Inter”ning asosiy o‘yinchilaridan biri. Men uning ketishiga hech qanday sabab ko‘rmayapman. U klubda qoladi. Kandreva jamoa ustozi Luchano Spalletti bilan yaxshi aloqani yo‘lga qo‘ygan, –  deya agentning so‘zlarini keltiradi Salciomercato nashri.

Avvalroq futbolchiga Londonning “Chelsi” klubi qiziqish bildirayotgan edi. Uni Italiya terma jamoasi sobiq ustozi Antonio Konte Londonga olib kelishni rejalashtirgan edi.