Каратэ WKF. Таиланддан 8 та медаль!

Жорий йилнинг 22-24 февраль кунлари Таиланд пойтахти Бангкок шаҳрида каратэ WKF  бўйича жаҳон кубоги таснифига кирувчи  "Tayland Karate Cup International Chempionships-2025" мусобақаси  бўлиб ўтди.

Ушбу халқаро мусобақада 20га яқин  давлатдан энг сара спортчилар ғолиблик учун кураш олиб боришди. Қувонарлиси, ушбу халқаро мусобақада спорт делегация раҳбари Шохрух Жўраев бошчилигидаги каратэчиларимиз  ғалабали натижаларга эришди. Хусусан, Тошкент вилояти жамоасининг ҳам  иштироки эътирофларга сазовор бўлди.

Мазкур халқаро мусобақада иштирок этган тажрибали мураббийлар Дилшод Юсупов (Тошкент тумани) ва  Ҳамдамжон Шодибеков (Бекобод ш.) шогирдлари матонат кўрсатиб, 4 та олтин ва  4 та кумуш  медалларини қўлга киритишди ва ғолиблар қаторидан  жой  олишди. Мусобақа якунида эса терма жамоамиз умумжамоа ҳисобида фахрли иккинчи ўринни эгаллашга муваффақ бўлишди. Демак, ғолиб ва совриндорлар билан танишамиз:

Олтин медаль 

Рустамжон Собиров (Бекобод ш.) 
Жалолиддин Арипов (Бекобод ш.) 
Камронбек Камилов (Бекобод ш.) 
Камронбек Рустамжонов (Бекобод ш.) 

Кумуш медаль 

Саидкамол Адилов (Тошкент т.) 
Зубайир Азадов (Тошкент т) 
Камронбек Абдуқаюмоа (Бекобод ш.) 
Зиёвуддин Имомов (Бекобод ш.) 

Шунингдек, мураббийлар Дилшод Юсупов ва Ҳамдамжон Шодибековлар мусобақа ташкилотчилари томонидан махсус ташаккурнома билан тақдирланишди.