Карим Бензема қаерда ўйнашини айтди

Саудия Арабистонининг «Ал‑Ҳилол» жамоасида тўп суриб келаётган француз ҳужумчиси Карим Бензема жорий мавсумда клубни тарк этмаслигини маълум қилди.

- Мен «Ал‑Ҳилол»да қоламан, — дея унинг сўзларини журналист Фабрицио Романо ўз ижтимоий тармоқларида келтирган.

Карим Бензема 2026 йил февраль ойида «Ал‑Иттиҳод»ни тарк этгач, расман «Ал‑Ҳилол» сафига қўшилган эди. 

Унинг профессионал фаолияти «Лион» клубида бошланган. 2009 йилда у «Реал» билан шартнома имзолаб, Мадрид жамоаси сафида 14 мавсум ўйнади ва 25 та совринни қўлга киритди. Улар орасида беш бор қўлга киритилган Чемпионлар лигаси кубоклари ҳам бор.

2022 йилда Бензема дунёнинг энг яхши футболчисига бериладиган «Олтин тўп» мукофотига сазовор бўлди. 

2023 йил ёзида у «Реал»ни тарк этиб, «Ал‑Иттиҳод»га ўтди ва у ерда Саудия Арабистони чемпионати ҳамда мамлакат кубогини ютиб, кейинчалик «Ал‑Ҳилол»га йўл олди.