Карло Анчелотти кутилмаган дурангдан кейин нималар деди?

Бразилия терма жамоасининг машҳур бош мураббийи Карло Анчелотти Жаҳон чемпионатининг 1-турида Марокашга қарши ўйиндан кейин учрашув ҳақида фикр билдирди.

- Ўйинни яхши бошлай олмадик, деб ҳисоблайман. Жамоа биroz ҳаяжонланган эди, кўп тўп йўқотдик, курашларда ютқаздик. Биринчи тайм биз учун омадсиз чиқди. Иккинчи бўлимда ўйинни анча яхшиладик. Бу осон ўйин эмасди, чунки Марокаш жуда кучли жамоа.

Албатта, маълум даражада ҳаяжон бор эди. Биринчи таймда рақиблар бизнинг босимимиздан осон чиқиб кетишди ва хавфли қарши ҳужумлар уюштиришди. Ўйинни яхшироқ назорат қилишимиз мумкин эди. Шунга қарамай, натижадан қониқдим.

Албатта, турнирни яхшироқ бошламоқчи эдик, лекин бундай ҳолатлар бўлиб туради, чунки Марокаш жуда кучли рақиб. Энди барча эътиборни кейинги ўйинга қаратмоғимиз керак.

Ўйин, айниқса биринчи тайм, жуда оғир кечди. Жамоа асабийлашди, тўпни кўп йўқотди, майдондаги мувозанат етишмади. Иккинчи бўлимда анча яхшироқ ўйнадик. Кейинги ўйинда жамоа янада кучлироқ бўлади, деб ўйлайман. Биринчи бўлимда бизда жиддий муаммо бор эди: жуда кўп тўп йўқотдик. Ўйиннинг шу жиҳатини албатта яхшилашга тўғри келади.

Ўзимизга бўлган ишончни йўқотишга ҳаққимиз йўқ. Жаҳон чемпионатидаги илк ўйинда ҳар нарса содир бўлиши мумкин. Турнирни дарҳол идеал даражада бошлаш амри маҳол. Натижани ёмон, деб бўлмайди, аммо ўсишимиз, кучайишимиз шарт.

Жаҳон чемпионати биринчи ўйиндаёқ ютилмайди. Жамоа охирги дақиқаларгача курашди. Қайси томонлар устида ишлашимиз кераклигини жуда яхши тушуниб турибман. Иккита назорат учрашувида яхши ишлаган жиҳатларимиз бугунги ўйиннинг биринчи таймида самара бермади. Ишни давом эттиришимиз, жамоани янада мувозанатли ва ҳужумда агрессивроқ қилишимиз керак, – деди Анчелотти.

- Бу натижа жамоанинг ишончига таъсир қилиши мумкинми?

- Асло ундай эмас. Тушуниш керакки, турнирдаги дебют ўйин турли сабабларга кўра кутилганидек ўтмаслиги мумкин. Лекин биз олға қараб ҳаракат қилишимиз, кейинги ўйинга яхши тайёргарлик кўришимиз керак. Асосий мақсадимиз – гуруҳдан чиқиш ва турнир давомида қадам-бақадам кучайиб бориш, – дея таъкидлади Анчелотти.