Каролин Гарсия навбатдаги совринини кўзламоқда

Ноттингем шаҳрида франциялик Каролин Гарсия ва руминиялик Елена Габриэла Руз ўртасида ўтган чорак финал баҳси уч сет давом этди.

Унда Каролин рақибига дастлабки сетда 4:6 ҳисобида бой бериб қўйган бўлса, иккинчи сетда тай-брекда зафар қучди. Ҳал қилувчи сетда эса француз теннисчиси 6:1 ҳисобида зафар қучди.

Шу тариқа "Nature Valley Open Nottingham" мусобақасининг ярим финалига йўл олган Гарсия америкалик Женнифер Брэди билан рақобатлашадиган бўлди.