Kasilyas: "Vinisius jamoada qolishi kerak"

"Real Madrid" va Ispaniya terma jamoasining sobiq darvozaboni Iker Kasilyas Saudiya Arabistoni klublarining "qaymoqranglilar" qanot hujumchisi Vinisius Juniorga qiziqishi haqidagi xabarlarga izoh bildirdi.

- "Real" muxlisi sifatida Vinisiusning Madridda qolishini xohlardim. U kelganidan so‘ng barchasi o‘zgardi. Dastlab, Vini kulgi va masxaralar ostida bo‘ldi. Endi esa u dunyoning eng yaxshi futbolchilaridan biriga aylandi. Umid qilamanki, u shunday bo‘lib qoladi.

Vinisius, Mbappe va Bellingem - bu klubning uch ustuni. Ular faqatgina o‘ynashni davom ettirishlari va "Real"ni cho‘qqiga olib chiqishlari kerak, - dedi sobiq posbon.

Eslatib o‘tamiz, avvalroq ommaviy axborot vositalarida Saudiya Arabistoni klublari Vinisiusni 350 million evro evaziga sotib olishga tayyor ekanligi haqida xabarlar paydo bo‘lgan edi.