Кэррик Рашфорд ҳақида баёнот берди
Маркус Рэшфорд «Барселона»да ижарадан сўнг «Манчестер Юнайтед» ихтиёрига қайтиб, жамоа йиғинларига қўшилади.
«Манчестер Юнайтед» бош мураббийи Майкл Кэррик жамоа ҳужумчиси Маркус Рэшфорднинг клуб ихтиёрига қайтиши ҳақида гапириб ўтди. Мураббийнинг айтишича, футболчи жамоа билан бирга Дублиндаги йиғинда машғулотларга қўшилади. Кэррик таъкидлашича, унинг Рэшфорд билан муносабатлари анча йилларга бориб тақалади. Улар бир вақтнинг ўзида майдонга тушган, Кэррик инглиз ҳужумчисининг профессионал даражадаги дебют ўйинида ҳам иштирок этган.
«Биз Маркус билан анчадан бери танишмиз. Мен унинг билан бирга майдонга тушганман ва унинг биринчи ўйинида иштирок этганман. Рэшфорд ҳали ҳам жамоамизнинг бир қисми», — деди Кэррик.
Ўтган мавсум 28 ёшли Рэшфорд «Барселона» таркибида ижара асосида ўйнади. Шу билан бирга, ҳужумчининг «Манчестер Юнайтед» билан амалдаги шартномаси 2028 йил ёзигача мўлжалланган.
Изоҳлар (0)