Кетмайсан! Флик "Барса" юлдузи трансферини блоклади

Каталониянинг «Барселона» жамоаси бош мураббийи Ханс-Дитер Флик нидерландиялик ярим ҳимоячи Френки де Йонгни қишки трансфер ойнасида сотиб юборишга йўл қўймасликка қатъий қарор қилгани хабар қилинмоқда. 

Бу ҳақда ижтимоий тармоқларда инсайдер Экрем Конур маълумот берди.

Унинг таъкидлашича, «кўк-анорранглилар» жамоа таркибининг чуқурлигини хавф остига қўймоқчи эмас. 

Шу боис клуб раҳбарияти футболчига қизиқиш билдирган «Манчестер Юнайтед» ва «Ливерпуль» билан ҳеч қандай музокара олиб боришни режалаштирмаяпти.

Френки де Йонг 2019 йил ёзидан бери «Барселона» шарафини ҳимоя қилиб келмоқда. Унинг амалдаги шартномаси 2029 йил июни охиригача мўлжалланган. Мутахассислар футболчининг бозор қийматини 25 миллион евро атрофида баҳоламоқда.