Кичик "аждарлар" чорак финалда!

"Насаф" футбол мактаби тарбияланувчилари Португалиядага мусобақада иштирок этаётганидан хабарингиз бор.

Кеча кичик "аждарлар" "IberCup" мусобақаси 1/8 финалида Исландиянинг "Валур А" жамоасига қарши майдонга тушишди. Учрашувни "Насаф" ёшлари фаол бошлаб, биринчи бўлиб ҳисобни очишди. Бироқ рақиб жавобсиз қолмай, ҳисобни тенглаштиришга муваффақ бўлди. Голларга бой кечган ўйин 2:2 ҳисобида якунланди.

Ғолиб пенальтилар сериясида аниқланиб, ёш “аждарлар” 5:4 ҳисобида зафар қучди ва чорак финалга йўл олди. Кейинги босқичда Португалиянинг "АC Маринҳенсе" жамоаси рақиб бўлади.