Кики Бертенс Америкага боришдан қўқрмоқда

Голландиялик теннисчи Кики Бертенс Америка очиқ чемпионати ҳақида нималар кутаётгани ҳақида қуйидаги фикрларни билдирди.

" US Open'да иштирок этиш учун бир қарорга келишим керак. Ҳозирда турнир ташкилотчилари мусобақани қандай ташкил этиши ҳақида ўйламоқдаман. Бизга кўплаб давлатларга бориш тақиқлаб қўйилган. АҚШга борадиган бўлсам ўзимни катта хатарга қўйишга мажбур бўламан. Мен Америка очиқ чемпионатида қатнашишим учун кўп нарсалар яхши томонга ўзгариши керак. Ҳозирча жаҳондаги вазиятни кузатиб тураман. Айни дамда аниқ қарорга келиш қийин. 

Бир қатор теннисчилар билан гаплашдим. Уларнинг ҳам мазкур мусобақада иштирок этишига унчалик хоҳиши йўқ. US Open'да фақат асосий тўр баҳслари ўтказилади. Бу эса фақат 100 нафар теннисчи ўйнаши мумкин ва улар очкони қўлга киритади дегани. Бу ноҳақлик! Мен "USTA"ни ҳам тушунаман. Лекин мазкур мусобақани ўтказиш учун бошқача йўл танлаш керак. Сабаби, асосий тўрдагилардан ташқари теннисчилар рейтинг очколарига эга бўла олмайди ва турган ўрни пасайиб кетади", – дейди Кики.

Матнда хатолик топсангиз, ўша хатони белгилаб, бизга жўнатинг (Ctrl + Enter)