Kiki Bertens Madridda g‘olib chiqdi

Gollandiyalik Kiki Bertens Ispaniya poytaxti Madrid shahrida o‘tkazilgan "Premera" turkumiga kiruvchi musobaqada bosh sovrinni qo‘lga kiritdi.

Kiki turnirning final bosqichida ruminiyalik Simona Xalepga qarshi kortga chiqdi. Ikki set davom etgan o‘yinda Bertens 6:4, 6:4 hisobida g‘alaba qozondi.

Shu tariqa "Mutua Madrid Open"ning bosh sovrinini qo‘lga kiritgan K.Bertens bosh sovrindan tashqari, 1000 reyting ochkosi va 1,202,520 evro pul mukofoti bilan taqdirlandi.