Кики Бертенс Мадридда ғолиб чиқди

Голландиялик Кики Бертенс Испания пойтахти Мадрид шаҳрида ўтказилган "Премьера" туркумига кирувчи мусобақада бош совринни қўлга киритди.

Кики турнирнинг финал босқичида руминиялик Симона Халепга қарши кортга чиқди. Икки сет давом этган ўйинда Бертенс 6:4, 6:4 ҳисобида ғалаба қозонди.

Шу тариқа "Mutua Madrid Open"нинг бош совринини қўлга киритган К.Бертенс бош совриндан ташқари, 1000 рейтинг очкоси ва 1,202,520 евро пул мукофоти билан тақдирланди.