Konor MakGregorga nima bo‘ldi?

Ikki vazn toifasida sobiq UFC chempioni Konor MakGregor ijtimoiy tarmoqqa post joylashtirdi, unda jarohatlar mashg‘ulotlar intensivligiga ta’sir etishi haqida gapirilgan. Ko‘pchilik mutaxassislar Konor bu posti bilan Chendler bilan jangi jarohat tufayli bo‘lmasligiga bilvosita shama qilgan deb gumon qilishmoqda.

"Mashg‘ulotlaringiz qanchalik shiddatli bo‘lsa, shuncha ko‘p jarohat olasiz. Aksincha, mashg‘ulotingiz qanchalik engil bo‘lsa, jarohatlar shunchalik kam bo‘ladi. Shu bois muvozanatda ishlash kerak", - deydi MakGregor.

Eslatib o‘tamiz, Konor MakGregor(22-6)ning Maykl Chendler(23-8) bilan jangi 29 iyun kuni "UFC 303" turnirida bo‘lib o‘tishi rejalashtirilgan.