Кристиан Мбилли 60 ёшга кирганимда ҳам мени енголмайди

Мексиканинг машҳур боксчи Сауль "Канело" Альварес рингга қайтиш арафасида ишончли баёнот берди.

"Мен бошқа даражадаман, Мбилли буни яхши тушунади. Тўғри, унинг услуби менга ёқади, у кучли йигит. Шу боис иккимизнинг тўқнашув ажойиб ўтади, деб ўйлайман.

Бироқ ёшим 36 га қараб кетаётганидан ташвишдаманми?! Албатта, йўқ, ўзимни ҳозир ҳам жуда яхши ҳис қиляпман. Формам аъло, жангга тўлиқ тайёрман. Кристианни ҳатто нокаут қилишим мумкин. У 50 ёки 60 ёшга кирганимда ҳам мени енга олмайди. Мени мағлуб этиш учун Мбилига ўзига ўхшаган ўнта боксчи керак", — дея Альвареснинг сўзларини "The Ring" нашри келтиради.

Эслатиб ўтамиз, 31 октябрь куни Ар-Рияд шаҳрида "Канело" супер ўрта вазнда WBC камари учун Кристиан Мбилли билан баҳс олиб боради.