Кунде қанча муддатга сафдан чиқди?

"Барселона" ҳимоячиси Жюль Кундени жароҳат сабаб сафдан чиқди. Франциялик футболчи Чемпионлар Лигаси "Интер"га қарши ўйинда жароҳатланди ва биринчи бўлимда захирага олинди.

Каталония клуби Кунденинг тиббий кўрик натижаларини эълон қилди, бироқ футболчининг тикланиш муддати ҳақида маълумот бермади. "As" нашрининг хабар беришича, Кунденинг тикланиши учун уч ҳафта талаб этилади. Бу шуни англатадики, франциялик бир қатор ўйинларни, жумладан, "Интер"га қарши жавоб ярим финалини ва Ла Лигадаги "эл-класико"ни ўтказиб юборади.

2024/2025 йилги мавсумда Кунде 53 та расмий учрашувда иштирок этиб, тўртта гол урди ва саккизта голли узатма берди.