Latofatli Arina va nihoyat zafar quchdi

Belaruslik tennischi Arina Sobolenko va nihoyat musobaqani g‘alaba bilan boshladi. U Tsintsinnati shahrida o‘tkazilayotgan turnirning birinchi davrasida xorvatiyalik Petra Martich bilan kuch sinashdi.

Arinaning to‘liq ustunligida o‘tgan birinchi set 6:1 hisobida yakunlangan bo‘lsa, ikkinchi setda belaruslik go‘zal tennischi 6:4 hisobida zafar quchdi.

Shu tariqa "Western & Southern Open"ning ikkinchi davrasida Sobolenko xitoylik Chjen Saysay va slovakiyalik Viktoriya Kuzmovaga qarshi kortga chiqadigan bo‘ldi.