"Latsio" futbolchisi jiddiy jarohat oldi

“Latsio” himoyachisi Luis Felipe kecha “Frozinone”ga (1:0) qarshi o‘tkazilgan o‘rtoqlik bahsida jarohat oldi.

23 yoshli braziliyalik futbolchi uchrashuvning 8-daqiqasidayoq to‘pig‘idan jarohat olib maydonni tark etdi. O‘yindan so‘ng u stadionni qo‘ltiq tayoqda tark etdi. Uning jarohati qay darajada ekani bugun o‘tkaziladigan tibbik tekshiruvlardan so‘ng ma’lum bo‘ladi.

Luis Felipe o‘tgan mavsum A Seriyada 23 ta o‘yinda maydonga tushdi va 1 ta gol urishga erishdi.