"Liverpool"ga qaytishni istamayman!

«Liverpul»ga qaytish Leverkuzenning «Bayer» klubi tarkibida harakat qilayotgan himoyachi Jarrell Kuansa uchun faoliyatni davom ettirishda eng ustuvor variant emas. 

Bu haqida Football Insider nashri xabar berdi.

Manba ma'lumotiga ko‘ra, «Liverpul» futbolchini qayta sotib olish huquqiga ega. Biroq «Bayer»dagi muvaffaqiyatli o‘yinlardan so‘ng angliyalik himoyachi mersisayd jamoasiga qaytishdan ko‘ra, yangi chaqiriqni qabul qilishni ma'qul ko‘rmoqda.

Ishonchli manbalarga tayanib tarqatilayotgan ma'lumotlarga ko‘ra, «Liverpul» Kuansani 70,25 million yevro evaziga qayta sotib olish imkoniyatiga ega, ammo bu band faqat 2027 yil yozigacha amal qiladi.

Kuansa — «Liverpul» tarbiyalanuvchisi. Joriy mavsumda 23 yoshli himoyachi barcha musobaqalar doirasida olti uchrashuvda maydonga tushdi va bir golli uzatma muallifiga aylandi.