"Ливерпуль" қишда бир юлдузидан айрилади
Вазият шуни тақозо этмоқда
«Ливерпуль» таркибида тўп суриб келаётган италиялик ярим ҳимоячи Федерико Кьеза қишки трансфер ойнасидан сўнг жамоасини ўзгартириши мумкин.
Football Insider нашри хабарига кўра, агар Кьеза жароҳатдан тўлиқ тиклангач, асосий таркибда мустаҳкам ўрин эгаллай олмаса, у ҳолда январь ойида клуб раҳбариятидан ўзини қўйиб юборишни сўраши эҳтимоли бор.
Футболчи янги мавсумни мушак жароҳати сабаб ўтказиб юборяпти. Унинг майдонга қайтиши халқаро ўйинлар учун танаффус даврига тўғри келиши кутилмоқда.
Шу ўринда таъкидлаш керакки, «Ливерпул» Кьезани кетма-кет иккинчи мавсум Чемпионлар лигаси рўйхатига киритмади.
Футболчининг мерсисайдликлар билан амалдаги шартномаси 2028 йилгача мўлжалланган. Transfermarkt портали маълумотича, италиялик вингернинг бозор қиймати 13 миллион евро атрофида баҳоланмоқда.
Изоҳлар (0)