"Ливерпуль" яна "Барса"дан футболчи олади

«Барселона»нинг қанот ҳимоячиси Алехандро Бальде қишки трансфер ойнасида «Ливерпуль» сафига ўтиши мумкин. Бу ҳақда Испанияда чоп этиладиган Diario SPORT нашри хабар берди.

Манба маълумотларига кўра, Бальде трансферига шахсан «Ливерпуль» бош мураббийи Андони Ираола қизиқмоқда. Унинг режасига биноан, испаниялик ҳимоячи аллақачон январь ойидаёқ «Энфилд»га кўчиб ўтиши керак.

Хабарда таъкидланишича, Бальдега «Манчестер Юнайтед» ҳам кўз тикиб қўйган. Шу билан бирга, «Ливерпуль» раҳбарияти ўзининг «Барселона» билан муносабатлари ушбу курашда устунлик беришига ишонмоқда. 

Эслатиб ўтамиз, ёзги трансфер ойнасида мерсисайдликлар «Барселона» таркибидаги Рональд Араухони маълум муддатга ўз сафига қўшиб олган эди.

Қизиғи шундаки, жорий мавсумда 22 ёшли Бальде «Барселона» таркибида бирор марта ҳам майдонга тушмади. Унинг клуб билан амалдаги шартномаси 2028 йилгача мўлжалланган.