"Ливерпуль" янги ўйинчи топди

«Ливерпуль» жамоаси янги ярим ҳимоячи-вингер билан шартнома имзолашга ҳаракат қилмоқда. Бу ҳақда TEAMtalk нашри хабар берди.

Маълумотларга кўра, инглиз гранди Даниянинг «Мидтьюлланд» клуби сафида тўп суриб келаётган Дарио Осориога жиддий қизиқиш билдирган. 

Бироқ чилилик футболчига талаб юқори — уни ўз сафига қўшиб олишни «Эвертон» ва «Лидс» клублари ҳам истамоқда.

Дарио Осорионинг амалдаги шартномаси 2030 йил ёзига қадар мўлжалланган. Transfermarkt портали унинг трансфер қийматини 15 миллион евро атрофида баҳоламоқда.