"Ливерпуль" юлдузини "Манчестер Сити"га сотмайди

«Манчестер Сити» ярим ҳимоячи Алексис Мак Аллистер номзодини кузатиб бормоқда.

Инсайдер Бен Жейкобс маълумотларига кўра, «шаҳарликлар» раҳбарияти 27 ёшли аргентиналик футболчининг ўйинини юқори баҳоламоқда ва уни жамоа марказий чизиғини кучайтириш учун эҳтимолий вариантлардан бири сифатида кўриб чиқмоқда. Аввалроқ Мак Аллистер номзоди клуб ичида муҳокама қилингани айтилган, аммо ҳозирча расмий музокаралар бошланмаган.

Шу билан бирга, «Ливерпуль» ярим ҳимоячисини сотиш ёки жамоадан кетишига рози эмаслиги таъкидланмоқда.

Мак Аллистер 2023 йил ёзидан буён мерсисайдликлар шарафини ҳимоя қилиб келмоқда. Унинг амалдаги шартномаси 2028 йилгача мўлжалланган, футболчининг тахминий бозор қиймати эса 70 миллион евро атрофида баҳоланмоқда.