"Liverpul" "Barsa" himoyachisini olib ketadi

"Liverpul" o‘z tarkibini kuchaytirish imkoniyatlarini o‘rganib chiqmoqda. Jamoa bunday holatda Virjil van Deykning ketish ehtimolini ham hisobga olgan.

Niderlandiyalik futbolchining amaldagi shartnomasi iyun oyi oxirigacha amal qiladi. Ya’ni yozda 33 yoshli futbolchi erkin agent maqomini olishi mumkin. "Todofichajes" nashrining xabar berishicha, "Liverpul" van Deyk bilan xayrlashgan taqdirda, "Barselona"dan Ronald Arauxoni olib kelishi mumkin.

Mersisaydliklar 26 yoshli urugvaylik futbolchi uchun 65 million evro to‘lashga tayyor - uning shartnomasida aynan shu miqdordagi sotib olish bandi kiritilgan. Ta’kidlanishicha, "Liverpul" Arauxoga yiliga 10 million evro maosh bilan foydali shartnoma taklif qilishga tayyor.