“Ливерпуль” иккита рақиб танлади

Келаси мавсум учун жиддий тайёргарлик кўришни режа қилаётган “Ливерпуль” ўзининг ижтимоий тармоқдаги саҳифалари орқали август ойидаги ўртоқлик учрашувлари рақибларини ҳамда баҳслар саналарини эълон қилди.

9 август куни мерсисайдликлар Франциянинг кучли жамоаларидан бири “Монако”га қарши майдонга тушади. Ушбу учрашув Буюк Британия маҳаллий вақт билан соат 14:30 да бошланади.

16 август куни эса ливерпулликлар Италия чемпионати кашфиётларидан ҳисобланган “Комо” жамоаси билан куч синашади. Сеск Фабрегас шогирдларига қарши учрашув маҳаллий вақт билан соат 18:00га белгиланган.

Ҳар икки учрашув ҳам Ливерпул шаҳридаги “Энфилд” стадионида бўлиб ўтади.

Ўтган мавсум якунларига кўра, “Ливерпуль” Англия Премьер-лигасида бешинчи ўринни эгаллаган.