“Ливерпуль” супертрансфер бўйича иш бошлади

Англиянинг “Ливерпуль” клуби жамоани тарк этган Муҳаммад Салоҳ ўрнини тўлдириш учун “РБ Лейпциг” вингери Ян Диоманд трансфери бўйича музокараларни бошлади.

The Athletic нашри хабарига кўра, мерсисайдликларнинг футболчи билан келишувга эришиш имконияти "Пари Сен-Жермен"никидан юқорироқ.

Манбага кўра, “РБ Лейпциг” бир неча бор 19 ёшли футболчи сотилмаслигини таъкидлаган ва клуб позициясини ўзгартириш учун 130 миллион евродан ортиқ таклиф талаб қилиниши билдирилган.

Ўтган ёзда “Ливерпуль” трансферлар учун 522 миллион евро сарфлаганини ҳамда бошқа позицияларни кучайтириш зарурлигини ҳисобга олганда, инглиз клуби ушбу футболчини сотиб олишдан воз кечиши ҳам мумкин.

Диоманднинг “РБ Лейпциг” билан шартномаси 2030 йилгача амал қилади ва унда товон пули орқали шартномани бекор қилиш банди мавжуд эмас. ПСЖ ҳам футболчига катта қизиқиш билдирмоқда, аммо ҳозирча бу борада “Ливерпуль”чалик илгарилай олмаган. Шунингдек, “Манчестер Сити” ҳам футболчига даъвогарлардан бири ҳисобланади.