“Ливерпуль” янги мураббий топди

"Ливерпуль" ёзда Арне Слот кетиши эҳтимоли бўлган тақдирда асосий ўринбосар сифатида "Борнмут" бош мураббийи Андони Ираоланинг номзодини кўриб чиқмоқда. Испаниялик мутахассиснинг "олчалар" билан шартномаси келаси ёзда тугайди. Бу ҳақда Footmercato журналисти Санти Ауна хабар берди.

Манба маълумотларига кўра, Ираолани клубга таклиф қилиш устида "Ливерпуль" спорт директори Ричард Хьюз ишламоқда, у аввалроқ мураббийни "Борнмут"га олиб келган. Мерсисайдликлар испанияликнинг ўйин услубига қизиқиши таъкидланмоқда.

Англия чемпионатининг 37 туридан сўнг "Борнмут" 56 очко жамғариб, олтинчи ўринни эгаллаб турибди. "Ливерпуль" 59 очко жамғариб, бешинчи поғонада бормоқда.