"Ливерпуль" юлдузидан воз кечди
Энди у керак эмас
«Ливерпул» қишки трансфер ойнасида ҳужум чизиғидаги футболчиларидан бири билан хайрлашиши мумкин. Бу ҳақда ижтимоий тармоқларда журналист Экрем Конур хабар берди.
Манба маълумотига кўра, италиялик вингер Федерико Кьезанинг Мерсисайд клубини тарк этиши эҳтимоли кун сайин ортиб бормоқда. Жорий мавсумда у «қизиллар» сафида майдонга бор-йўғи икки дақиқа тушган, Чемпионлар лигаси учун эса умумий рўйхатга ҳам киритилмаган.
Футболчининг атрофидаги вазиятни Италиянинг бир қатор грандлари диққат билан кузатмоқда. Хусусан, «Ювентус», «Лацио» ва «Аталанта» Кьезанинг эҳтимолий трансфери билан жиддий қизиқиб турибди.
28 ёшли Кьезанинг «Ливерпул» билан амалдаги шартномаси 2028 йил июн ойи охиригача мўлжалланган. Футболчининг трансфер баҳоси тахминан ўн миллион евро атрофида баҳоланмоқда.
Изоҳлар (0)