"Локомотив"нинг бугунги рақиби "Ал Ваҳда" ҳақида ва қайдномалар

Хабарингиз бор, бугун ОЧЛ-2019 1-туридан ўрин олган учрашувлар ўтказилади. Улар қаторида "Локомотив" - "Ал Ваҳда" ўйини ҳам бор. Ушбу беллашув олдидан "темирйўлчилар"нинг рақиби ҳақида маълумотларни тақдим этамиз. Ўз навбатида ҳар икки жамоанинг қайдномаси билан ҳам танишишингиз мумкин.

“Ал Ваҳда” клуби ҳақида қисқача

Бирлашган Араб Амирликларининг “Ал Ваҳда” клуби 1974 йили ташкил этилган. Жамоа уй ўйинларини 12 000 мухлисга мўлжалланган “Ал Наҳиян” стадионида ўтказади. Клуб президенти Теяб бин Зайд ал Наҳайян. Бош мураббий голландиялик Хенк Тен Кате ҳисобланади.

“Ал Ваҳда” 4 карра БАА чемпиони (1998/99, 2000/01, 2004/05, 2009/10), бир бор кубок соҳиби (1999/2000) ҳамда 2002 йили Суперкубокда зафар қучган.

Эътиборлиси, бу жамоа ОЧЛ доирасида 8 марта ўзбек клублари билан тўқнаш келган. Аммо бирорта ҳам учрашувда ғалаба қозона олмаган. БАА клуби беллашувларда 2 бор дуранг ва 6 марта мағлубиятга учраган.

Жамоа таркибида айни пайтда Бразилия, Аргентина, Танзания, Марокаш ва Жанубий Кореядан футболчилар бор. Аммо ОЧЛда 3+1 лимити бўлгани учун голландиялик мутахассис марокашлик ҳужумчи Мурод Батна рўйхатдан ўтказа олмади.

"Темирйўлчилар"нинг рақиби "Ал Ваҳда" клуби 29 ўйинчини ОЧЛда рўйхатдан ўтказган.

Дарвозабонлар: 1. Муҳаммад Ал Шамси, 50. Рашид Али Сувайди, 88. Саид Месмари, 60. Эйса Аҳмад

Ҳимоячилар: 2. Муҳаммад Барқеш, 4. Салим Султон, 8. Ҳамдан Ал Камоли, 19. Холид Иброҳим, 23. Рим Чанг Ву (Жанубий Корея), 33. Мажид Абдуллоҳ, 37. Аҳмад Рашид, 52. Ҳуссайин Аббос

Ярим ҳимоячилар: 5. Муҳаммад Абдулбосит, 6. Султон Ал Гафри, 10. Исмоил Матар, 15. Носир Абдулхади, 16. Салим Абдуллоҳ, 18. Аҳмад Али, 30. Тариқ Ал Ходаим, 42. Леонардо Де Соуза (Бразилия), 43. Исмоил Ал Зааби, 46. Мансур Ал Харби, 56. Таҳнун Ал Зааби, 57. Абдулла Анвар Ал Амери, 58. Муҳаммад Исмоил Ал Жнеби, 62. Муҳаммад Мессари

Ҳужумчилар: 11. Себастьян Тальябуэ (Аргентина), 20. Яҳё Ал Гассани (Танзания), 70. Муҳаммад Ал Ҳаммади.

Ўз навбатида “Локомотив” ҳам 29 футболчини ОЧЛ учун рўйхатдан ўтказган.

Дарвозабонлар: 12. Маъмур Икромов, 13. Аслонбек Ахроров, 35. Жавоҳир Илёсов,

Ҳимоячилар: 20. Ислом Тўхтахўжаев, 33. Олег Зотеев, 5. Анзур Исмоилов, 44. Сергей Прохоров, 80. Фаррухжон Иброҳимов, 19. Авазбек Ўлмасалиев, 24. Давронбек Ҳошимов,

Ярим ҳимоячилар: 10. Сардор Мирзаев, 88. Игорь Йелич, 14. Азизбек Амонов, 81. Бек Абдуллаев, 28. Шуҳрат Муҳаммадиев, 77. Диёрбек Туропов, 23. Йован Жокич, 9. Филипп Раевац, 8. Жамшид Искандеров, 7. Азизбек Ҳайдаров, 72. Бобурбек Эргашев, 74. Шарафиддин Шабиров, 15. Арсланмурат Аманов, 79. Алишер Шералиев

Ҳужумчилар: 11. Темурхўжа Абдухолиқов, 17. Ҳусниддин Ғофуров, 70. Алишер Шоғуломов, 75. Владислав Фомин, 76. Хурматбек Юлдашев.

photo_2019-03-03_19-58-26

Эслатиб ўтамиз, "Локомотив" - "Ал Ваҳда" беллашуви Тошкент вақти билан 16:00да старт олади. Баҳсни "Спорт" телеканали жонли эфирда намойиш этади.

Мазкур ўйин учун чипталар икки хил тоифада чиқарилган. Бу ҳақда клуб матбуот хизмати хабар берди. Биринчи тоифа чипта нархи 15 минг сўм. Иккинчи тоифа чипталар эса 8 минг сўмдан стадион кассасида сотилмоқда.

Фикрлар

Фикр қолдириш учун авторизациядан ўтинг!