Лондонда қўлга киритилган 3 очко МЮни АПЛ пешқадамига айлантирди

АПЛ 18-турнинг қолдирилган учрашув ўтказилди. Унда "Манчестер Юнайтед" "Фулхэм" меҳмони бўлди. Ўйин "қизил иблислар"нинг 2:1 ҳисобидаги ғалабаси билан якунланди.

Ҳисобни 5-дақиқада лондонликлар ҳужумчиси Адемола Лукман очди. Рақиб ҳимоячиларининг сунъий офсайд ҳосил қилишдаги хатосидан унумли фойдаланган ҳужумчи Де Хеани ожиз қолдирди. Кўп ўтмай манкунияликлар тарози паллаларини тенглаштирди. Эдинсон Кавани катта саҳнага чиқди.

Иккинчи бўлимда ҳам фаолроқ ҳаракат қилган меҳмонлар 65-дақиқада ғалаба голини киритди. Поль Погбанинг жарима майдони ташқарисидан йўллаган кучли зарбасини дарвозабон қайтара олмади.

Шу тариқа, манкунияликлар ҳисобидаги очколар сони 40 тага етди ва улар ҳамшаҳарларидан АПЛ турнир жадвали карвонбошилигини тортиб олди. Ўз уйида имкониятни бой берган "Фулхэм" 18-поғонада қолди. Улар ҳисобида 12 очко мавжуд.

Фулхэм

  • Адемола Лукман 5'

Премьер-лига 18-тур

21/01/2021, 01:15

1
:
2
Тугади

Ман. Юнайтед

  • Эдинсон Кавани 21'
  • Поль Погба 65'

Стадион: Craven Cottage 0 томошабин

Бош ҳакам: Martin Atkinson

45'
90'

  • 90+4'

    Учрашув якунланди. Матнли трансляция Жавоҳир Азимов томонидан олиб борилди!

  • 90+3'

    Ҳисоб тенглашишига бир баҳя қолди. Аммо Митровичнинг зарбасидан кейин Байига теккан тўп устун ёнгинасидан ўтиб кетди.

  • 90+2'

    Қўшимча дақиқаларда мезбонлар илк бурчак тўпига эга бўлди. Аммо МЮ футболчилари тўпни узоқлаштирди.

  • 90'

    Ўйиннинг асосий вақтига 4 дақиқа қўшиб берилди

  • 87'

    Ўйиннинг сўнгги дақиқаларини ҳам "қизиллар" фаолроқ ўтказяпти.

  • 85'

    Марсьяль ҳамда Гринвуд ўрнига Рэшфорд ва МакТоминей майдонга тушди.

  • 83'

    Аина ўз ўрнини митровичга бўшатиб берди.

  • 81'

    Каванининг саъй-ҳаракатлари туфайли жамоаси бурчак тўпи ишлаб олди.

  • 79'

    Жарима майдонига етказиб берилган тўпга Магуайр ета олмади.

  • 78'

    Бруну Фернандешнинг узатмасини ҳимоячилар қайтарди.

  • 75'

    Лофтус-Чикнинг яқин масофадан берган зарбасини реакция намойиш этган Де Хеа қайтарди.

  • 73'

    Шоунинг узатмасини ҳимоячилар майдон ташқарисига чиқариб юборди.

  • 71'

    Бурчакдан етказиб берилган тўпга манкунияликлардан ҳеч ким ета олмади.

  • 68'

    Рақиб либосидан тортиб қолгани учун Аина жазоланди.

  • 66'

    МЮ штурм уюштирмоқда. Бу сафар Кавани томонидан берилган зарбани дарвозабон қайтарди.

  • 65'

    ГООООООООООООЛЛЛЛЛЛЛЛ! Погбуууууууууум!

    Жарима майдони ташқарисидан "пушка" зарба йўллаган Погба жамоасини ҳисобда олдинга олиб чиқди.

  • 64'

    Марсьялнинг яқин масофадан бош билан йўллаган зарбасини дарвозабон ушлаб олди.

  • 62'

    Гринвудга нисбатан қоида бузган Брайан огоҳлантирилди.

  • 61'

    Шоунинг узатмаси жамоадошларигача етиб бормади.

  • 59'

    Катта устунлик манкунияликлаар томонида. Бироқ жарима майдони остонасида ҳужумни якунловчи футболчи топилмаяпти.

  • 56'

    Бруну Фернандеш воқеалар ривожидан бироз илгарилаб кетди.

  • 54'

    МЮнинг ҳужумлари тобора хавфли тус олиб бормоқда.

  • 52'

    Лукменнинг жарима майдони ичидан йўллаган зарбасини дарвозабон ушлаб олди.

  • 51'

    Ўз жойини ташлаб, олдинга чиққан Де Хеа жамоасини муқаррар шодлан сақлаб қолди.

  • 49'

    Марсьяльнинг тушунарсиз ҳаракати жамоаси ҳужуми узилиб қолишига сабаб бўлди

  • 47'

    "Фулхэм" иккинчи 45 дақиқаликни ҳам фаол бошлади. Узоқ масофадан берилган зарба ноаниқ кетди.

  • 46'

    Иккинчи бўлим бошланди!

  • 46'

    Футболчилар майдонга қайтди. Биз ҳам қайтамиз!

  • 45+2'

    Танаффус!

  • 45+1'

    Гринвуднинг кучли зарбаси йўлига ҳимоячилар блок қўя олди.

  • 45'

    Биринчи таймга 2 дақиқа қўшиб берилди.

  • 44'

    Шеригининг узатмасига Гринвуд ета олмади. Ҳимоячи уни зарарсизлантиришни яхши уддалади.

  • 42'

    Адарабиойонинг бош билан йўллаган зарбаси кучсиз чиқди.

  • 41'

    Лукменга нисбатан ишлатилган қўполлик натижасида лондонликлар стандарт вазиятга эга бўлди.

  • 38'

    Жарима майдони ичида Кавалуйру тўпни ўзидан узоқлаштириб юборди. Саноқли ҳужумлардан навбатдагиси муваффақиятсиз якунланди.

  • 37'

    Ҳозирча, ўйиннинг энг фаол ўйинчиси Бруну Фернандеш бўлиб турибди. Аммо унинг ҳаракатлари кўп ҳолларда бесамар якунланмоқда.

  • 34'

    Тўп қаршисига келган Бруну Фернандешнинг уриниши анча ноаниқ кетди.

  • 34'

    МЮ жарима майдонига яқин ҳудудда язши стандартга эга бўлди.

  • 32'

    "Қизил иблислар"нинг кетма-кет ҳужумларини рақиб ҳимоячилари катта қийинчилик билан бартараф этмоқда.

  • 29'

    Бурчакдан етказиб берилган тўпга Магуайр ноаниқ зарба берди.

  • 27'

    Меҳмонлар қанотлардан фаол фойдаланган ҳолда, рақиб жарима майдонига тўп оширмоқда.

  • 25'

    Сульшер шогирдлари босим уюштиришда давом этмоқда.

  • 23'

    Фернандешнинг бу сафарги зарбаси аниқ бўлди. Дарвозабон ўз ўрнида.

  • 21'

    ГОООООООООООООЛЛЛЛЛЛЛЛЛЛ! МЮ ҳисобдаги фарқни йўққа чиқарди!

    Жарима майдони марказига оширилган тўпни Ареола қўлидан чиқариб юборди. Қайтган тўпни Кавани дарвозага киритди.

  • 21'

    Бруну Фернандешнинг зарбаси устундан қайтди.

  • 20'

    Лондонликларнинг камсонли ҳужумларидан навбатдагиси бесамар якунланди.

  • 18'

    Бурчак зарбасини қисқа пас билан ўйинга киритган "қизил иблислар" вазиятдан ҳеч нима чиқара олмади.

  • 17'

    Меҳмонлар бурчакдан тўпни ўйинга киритади.

  • 14'

    МЮ футболчилари прессинг уюштиряпти. Натижада, рақиб марказдаёқ тўпсиз қолмоқда.

  • 12'

    Ўйин бироз агрессив курашларга бой ўтмоқда. Темп эса бироз паст.

  • 10'

    Қарши ҳужумга ўтаётган рақибини қоида бузиш эвазига тўхтатган Погба огоҳлантирилди.

  • 10'

    Фред жарима майдони ичида йиқилиб тушди. Ҳакам ўйинни давом эттиришга рухсат берди.

  • 7'

    "Қизил иблислар" тўп назоратини қўлга олишга ҳаракат қиляпти.

  • 5'

    ГООООООООООЛЛЛЛЛЛЛ! "Фулхэм" тезкор гол урди!

    Бирга-бир вазиятга чиқиб борган Лукмен кучли зарбаси билан дарвозани ишғол этди.

  • 4'

    Кавани ҳаводан келаётган тўпга тўхтатмасдан зарба бермоқчи бўлди. Аммо у тўпга мослаша олмади.

  • 2'

    Дастлабки уриниш мезбонларда: Лукменнинг узоқ масофадан йўллаган зарбасини дарвозабон ушлаб олди.

  • 1'

    Ўйин бошланди!

  • 0'

    Футболчилар майдонга тушиб келди. Ўйин бир неча сониялар ичида старт олади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар