Луис Энрике мағлубиятга қарамай хурсанд

Франциянинг амалдаги чемпиони “Пари Сен-Жермен” клуби бош мураббийи Луис Энрике Лига 1 чемпионатининг 3-турида “Монако”га қарши ўйин натижаси ҳақида фикр билдирди. Учрашув монегасклар фойдасига 2:1 ҳисобида якунланди.

- Мен доимо буни такрорлайман: мағлуб бўлган мураббий бу ерда, яъни матбуот анжуманида бўлмаслиги керак. Бу мураббийлар учун энг ёмон пайт, аммо мен куламан. Бу мураббий сифатида менинг масъулиятим.

Агар ўйин ҳақида гапиришимни хоҳласангиз, шундай дейман: мен кўрган нарсадан мамнун бўлдим. Аёнки, бу мавсум бошланиши, биз ҳали ўз даражамизда эмасмиз, аммо кўплаб ижобий жиҳатларни кўрдим.

Мен учун мутлақо аниқки, биз ғалабага лойиқ эдик. Шубҳасиз. Кутилган голлар (xG) кўрсаткичи ҳам аниқ бизнинг фойдамизга эди, аммо футбол шундай ва бу унинг гўзаллиги!, - дея Энрикенинг ўйиндан кейинги флеш-интервьюсида айтган сўзларини ижтимоий тармоқдаги X саҳифасидаги ParisSG INFOS аккаунти келтирди.

Луис Энрике жамоаси Лига 1 турнир жадвалида учта турдан кейин икки очко билан 12-ўринда жойлашган.