Луис Энрике: Январдаёқ "Барса" юлдузини олиб келаман!
Таркибни кучайтиришга қарор қилди
ПСЖ яқин мавсумларда таркибини жиддий кучайтиришни режалаштирмоқда. Франция матбуоти бир неча вақтдан бери парижликларни «Барселона» ярим ҳимоячиси Гави билан боғлаб келмоқда. Ушбу футболчини жамоа бош мураббийи Луис Энрике жуда яхши билади.
Сўнгги пайтларда Гави «Барселона» сафида унча кўп ўйин амалиётига эга бўлмаяпти. Бу эса унинг клубини ўзгартириш эҳтимолини оширмоқда. El Nacional нашри Франциядаги манбаларига таяниб хабар беришича, Луис Энрике Гавининг аллақачон январь ойидаёқ Парижга келишини истамоқда.
Шу билан бирга, ҳозирча ПСЖ томонидан Гавига расмий таклиф юборилмаган. Трансфер масаласида кўп нарса 22 ёшли ярим ҳимоячининг шахсий қарорига боғлиқ бўлади.
Қизиғи шундаки, айнан Луис Энрике бош мураббийлик қилган даврда Гави 2021 йил октябрь ойида Испания терма жамоаси сафида дебют қилган эди.
Изоҳлар (0)