Луис Суарес Левандовски дебютини расво қилди

22 июлдан 23 июлга ўтар кечаси Америка МЛС чемпионати доирасида «Интер Майами» ва «Чикаго Файр» жамоалари ўртасида учрашув бўлиб ўтди. Кучли кураш руҳида ўтган беллашув 3:2 ҳисобида Майами клуби фойдасига якунланди.

«Интер Майами» таркибида Луис Луарес икки бор рақиб дарвозасини ишғол қилди, яна бир голга Престон Плэмбек муаллифлик қилди. «Чикаго Файр» жамоаси сафида эса Пусо Дитежан гол урди, яна бир гол эса Рокко Риос Ново томонидан ўз дарвозасига киритилган автогол сифатида қайд этилди.

«Чикаго Файр» учун ушбу ўйин яна бир жиҳатдан тарихий бўлди: жамоа сафида Роберт Левандовски илк бор майдонга тушди. У 63 дақиқа ўйнади, аммо гол ёки голли пас билан жамоасига ёрдам бера олмади.

«Интер Майами» таркибида эса Лионель Месси бу сафар майдонга чиқмади. У 2026 йилги жаҳон чемпионатида иштирок этганидан сўнг қўшимча таътилга чиққани сабаб ўйинни ўтказиб юборди.