Мадриддан фақат “Барса”га кетаман!

Мадриднинг “Атлетико” клуби ҳужумчиси Хулиан Альварес фаолиятини давом эттириш учун ўзига маъқул бўлган вариантни танлади.

Аргентиналик футболчи “матрасчилар” билан фақат “Барселона”дан аниқ таклиф тушган тақдирдагина хайрлашишга тайёр, деб хабар берди журналист Маттео Моретто.

26 ёшли форвард Испанияда қолишни истайди. Каталония клуби эса, анчадан бери ушбу қимматбаҳо келишувни қандай амалга оширишни ўйлаб юрибди.

Альвареснинг Transfermarkt сайтидаги тахминий баҳоси 90 миллион еврони ташкил этади, амалдаги шартномаси эса 2030 йилгача мўлжалланган.

Кўплаб маълумотларда Англия Премьер-лигаси ғолиби “Арсенал” ва Франция чемпиони “Пари Сен-Жермен” клублари ҳам Альваресни сотиб олишни истаётгани билдирилган.