Мағлуб жамоа мураббий шогирдларини мақтади

«Шахтёр» бош мураббийи Арда Туран Чемпионлар лигасида «Интер»га қарши учрашувдан кейин ўз фикрларини билдирди. «Кончилар» майдонни 0:1 ҳисобида мағлубият билан тарк этди, энг қизиғи, гол рақиб бир киши кам бўлган пайтда ўтказиб юборилди.

«Айрим жиҳатларда «Интер» биздан устун ўйнади. «Интер» жамоасини ва Кристиан Кивуни табриклайман. Катта стадионларда кучли рақибларга қарши ўйинларда янада ўсишимиз керак. 

Аслида очко олишга арзигулик ўйнадик, шу боис биroz ранжиш бор. Ўйинимиздан фахрланамиз, лекин натижадан қониқиш мумкин эмас. Кўрсатган ўйинимиз даражасини инобатга олсак, ҳисоб бундан яхшироқ бўлиши керак эди. 

Айрим футболчиларимиз ўз кумирларига қарши майдонга тушди. Бу тажриба уларга ўрганиш ва ривожланишда жуда катта ёрдам беради», – дея Арда Тураннинг сўзларини УЕФА расмий сайти келтиради.

Чемпионлар лигасининг навбатдаги турида «Шахтёр» футболчилари «Спортинг»га қарши баҳс олиб боради.