"Манчестер Сити": Кетсанг кетавер!

«Манчестер Сити» ярим ҳимоячи Родрини сақлаб қолиш ниятида эмас, унга жиддий қизиқиш билдирган клублар орасида эса «Реал Мадрид» алоҳида ажралиб турибди.

Мадрид клуби 30 ёшли футболчи учун курашга яна қайтгани айтилмоқда. 

«Сантьяго Бернабеу»да мутасаддилар клуб президенти Флорентино Пересни жаҳон чемпионини олиш зарурлигига ишонтиришга муваффақ бўлишган.

Le Journal du Real нашри хабарига кўра, «Манчестер Сити» раҳбарияти испаниялик футболчининг кетишига тўсиқ қўймасликка қарор қилган.

Англия клуби Родрининг «Реал» сафида ўзини синаб кўриш истагидан хабардор. Шу боис, манбага кўра, «шаҳарликлар» унинг режаларига ҳурмат ва миннатдорлик сифатида аралашмасликка мойил.

Ишончли манбалар тарқатаётган маълумотларга кўра, «Реал» Родрининг ўзи билан шахсий шартнома борасида деярли келишиб олган. Бироқ ҳозирча «Манчестер Сити»га расмий таклиф юборилмаган.