"Манчестер Юнайтед"ни кимлар тиз чўктирди?

Хаби Алонсо шогирдлари ўз майдонида «Манчестер Юнайтед» 2:0 ҳисобида мағлубиятга учратди. Бу мағлубиятдан кейин манчестерликлар бош мураббийи Майкл Кэррикнинг келажаги янада катта сўроқ остида тушди. 

Хўш, «Челси»ни «Манчестер Юнайтед» устидан ишончли ғалабага ким олиб келди? Шу саволга жавоб излаб кўрамиз. «Евро-футбол» нашри Хаби Алонсо жамоасидаги уч нафар футболчига ўн баллик тизим асосида субъектив баҳолар қўйди.

МОРГАН РОЖЕРС – 8,5. Роджерснинг голи ҳақиқий маҳорат намунаси бўлди: у майдон ўртасидан рақиб дарвозаси томон югуриб борди, ҳужумни жуда нозик зарба билан якунлади. Йўл-ёзда уни қувиб келган беш нафар «МЮ» ўйинчиси топга ҳам етиб бормади – Морган эса жамоаси учун ғалаба голини урди. Бундан ташқари, у учта ҳал қилувчи пас ҳам амалга оширди.

Яна бир муҳим эпизод: айнан Роджерс дриблинг билан Лисандро Мартинесни адаштириб қўйди ва жаҳлдор аргентиналик ҳимоячи биринчи сариқ карточкасини олишига сабабчи бўлди.

РОМЕО ЛАВИА – 8,5. Ўйин марказида тўлиқ устунлик Ромео Лавиа қўлида бўлди. У рақибга ортиқча ҳаракат қилиш имконини бермади, топ билан ишлашда жуда аниқ ва ишончли ўйнади. Буни Мбемо ҳам тасдиқлай олади – Лавиа айнан ундан топни тортиб олиб, кейин Роджерсга голли пас йўллади.

Умуман олганда, Лавиа 5 марта тўпни олиб қўйди, 4 марта узатмани тўсди, якка курашларда эса 9та баҳсдан 7 тасида ғолиб чиқди. Бруну Фернандешни эса деярли бутун ўйин давомида назоратда ушлаб турди.

УЭСЛИ ФОФАНА – 8,5. Перехватлар бўйича энг юқори кўрсаткични Уэсли Фофана қайд этди – у беш марта рақиб узатмасини йўлдан қайтарди. Фофана марказда жамоадошларига ёрдам берди, стандарт вазиятларда эса доим хавф туғдириб турди. Бурчак зарбасидан сўнг жуда хатарли зарба йўллади, Лисандро Мартинес билан курашда устун келиб, уни амалда ўйиндан чиқариб қўйди.

Фофана шу билан чекланиб қолмади – ўша эпизодларнинг бирида пенальти ҳам ишлаб олди ва шу тариқа ўйин тақдирини бутунлай ҳал қилди.