«Манчестер Юнайтед» янги ҳимоячи топди

«Бавария» клуби ҳимоячиси Ким Мин Жае фаолиятини Англия чемпионатида давом эттириши мумкин. Германия нашри TZ хабарига кўра, унга «Манчестер Юнайтед» жамоаси жиддий қизиқиш билдирмоқда.

Маълумотларга қараганда, «қизил иблислар» ёзги трансфер ойнасининг асосий вазифаларидан бири сифатида ҳимоя чизиғини мустаҳкамлашни белгилаган. Бу борада Ким Мин Жае клуб учун устувор номзод ҳисобланмоқда. Футболчи учун таклиф этилиши мумкин бўлган тўлов миқдори 40 миллион евро чегарасидан ошиб кетиши айтилмоқда.

Эслатиб ўтамиз, Ким Мин Жаенинг амалдаги шартномаси «Бавария» билан 2028 йилгача мўлжалланган.