“Манчестер Юнайтед”га ўтганимга ишонманг!
“Манчестер Юнайтед” тарбияланувчиси Дэнни Уэлбек айни пайтда “Брайтон” жамоаси шарафини ҳимоя қилмоқда.
Манчестер клубида юз бераётган ўзгаришлар фонида 34 ёшли ҳужумчи собиқ жамоасига қайтишга розилик бергани ҳақида хабарлар тарқалди.
“Манчестер Юнайтед” тизимида 13 йил юрган Уэлбек бу маълумотларнинг ҳақиқатдан узоқлигини таъкидлаб, уларни инкор қилди.
- Бу хабарлар асоссиз. Манчестерлик йигит сифатида “Юнайтед”га ушбу клубда фаолият юритган давримда алоқадор бўлганман. Ҳамма нарса ўзгаради. Ҳозир бор эътиборимни “Брайтон”га қандай фойда келтиришим мумкинлигига қаратганман, - деди Дэнни Уэлбек.
Уэлбек “Манчестер Юнайтед” ва “Брайтон”дан ташқари “Престон”, “Сандерленд”, “Арсенал”, “Уотфорд” каби жамоаларда ҳам тўп тепган.
Фикрлар