Манчестердан кетганимга афсусланмайман!

Англия Премьер-лигасида “Челси” шарафини ҳимоя қилаётган аргентиналик ҳужумкор футболчи Алехандро Гарначо ўтган ёзда “Манчестер Юнайтед”дан кетганидан афсусланмаслигини таъкидлади.

Маълумки, манчестерликларга Рубен Аморим бош мураббий этиб тайинлаганидан кейин бир неча футболчи ўйин амалиётисиз қолиб кетди. Улар орасида Гарначо ҳам бор эди. Охир-оқибат иқтидорли ўйинчи бошқа клуб танлашига тўғри келди.

Шу тариқа, август ойининг охирида “Челси” 21 ёшли Гарначони “Юнайтед”дан 40 миллион фунтга сотиб олди.

- Мен Манчестердан кетганимдан афсусланмайман. Баъзида ҳаётда бир қадам олдинга силжиш ва футболчи сифатида ўсиш учун ниманидир ўзгартириш керак бўлади. Ўйлайманки, бу тўғри вақт ва тўғри танлов эди, шунинг учун қарор қабул қилиш осон бўлди. Мен бу ерга ўз футболимни ўйнаш ва қандай футболчи эканлигимни одамларга кўрсатиш учун келдим.

Энг муҳим нарса бу ишонч. Мураббий мен билан ҳар ҳафта гаплашади ва ўйлайманки, вақт ўтиши билан мен футболчи сифатида жамоа биргаликда ўсиб бораман. Биз мавсумни уч ой олдин бошлаганмиз, шунинг учун ишончни мустаҳкамлаш керак, - деди Алехандро  Гарначо.