Манчестерликлар жаҳон чемпионини ҳайдаяпти

«Манчестер Юнайтед» ҳимоячиси Лисандро Мартинес жамоани тарк этиши мумкин. Бу ҳақда журналист Алекс Крук хабар берди.

Манбага кўра, клуб аргентиналик футболчи билан шартномани яна бир йилга узайтириш имкониятига эга. Ҳозирги келишув 2027 йил ёзигача амал қилади. 

Аммо «Манчестер Юнайтед» бу банддан фақат битта шарт бажарилганда фойдаланмоқчи: Мартинес ўзини майдонда тўлиқ намойиш этиши керак. Агар у бунга эришолмаса, келаси ёзда унинг жамоани тарк этиши эҳтимоли катта.

Эслатиб ўтамиз, 2022 йил ёзида «Манчестер Юнайтед» Лисандро Мартинес трансфери учун «Аякс» клубига 57 миллион евро тўлаган эди. Ўша йилнинг ўзида у Аргентина терма жамоаси таркибида жаҳон чемпионига айланди.