Манчестерликлар трансфери барбод бўлиш арафасида
Зўр тўпурар қўлдан чиқиши мумкин
Нидерландиялик ҳужумчи Брайан Бробби, трансфер ҳуқуқлари «Сандерленд» клубига тегишли бўлган футболчи, яна бир инглиз гранди – «Манчестер Юнайтед»нинг диққат марказида турибди.
Football Insider нашрининг ёзишича, «Сандерленд» раҳбарияти манчестерликларнинг қизиқиши ҳақида хабардор, аммо ҳозирча футболчини сотиш нияти йўқ.
Маълум қилинишича, клуб Бробби бўйича келиб тушиши мумкин бўлган таклифларни кўриб чиқишни ҳам режалаштирмаяпти. Ҳужумчининг амалдаги шартномаси 2029 йилгача мўлжалланган.
Брайан Бробби «Сандерленд» сафида 2025 йил сентябридан бери тўп сурмоқда. Нидерландиялик футболчининг тахминий трансфер қиймати 40 миллион евро атрофида баҳоланмоқда.
Жорий мавсум Англия премьер-лигасида Бробби бешта ўйинда майдонга тушиб, учта гол уришга муваффақ бўлди.
Изоҳлар (0)