Мареска Фоденнинг жойини кўрсатиб берди

«Манчестер Сити» бош мураббийи Энцо Мареска жамоа ярим ҳимоячиси Фил Фоденнинг ўйини ҳақида фикр билдирди.

26 ёшли футболчи жорий мавсум Премьер-лиганинг дастлабки икки учрашувида майдонга тушиб, ҳар бир ўйинда биттадан голли пас берди.

«Менимча, унинг табиий ва энг яхши позицияси – марказ. Илк икки турда унинг қанотда ўйнашга тўғри келди, чунки Доку жароҳат олгани сабабли ҳозир бизда бошқа вариант йўқ. Фил ўзини жуда яхши кўрсатди, лекин шубҳа йўқки, у марказда ўзини анча эркин ва ишончли ҳис қилади. 

Ундан биринчи кунданоқ мамнунман. Машғулотларда ҳам, ўйинларда ҳам катта иштиёқ билан меҳнат қиляпти, ҳатто қанотда майдонга тушганда ҳам. Биз уни турли позицияларда синаб борамиз. Фоден – юқори даражадаги футболчи, бундай ўйинчилар турли рольларда ўйнашга қодир», – дея Маресканинг сўзларини келтиради City Report.