Мареска Мармуш билан эҳтимолий ажралишга муносабат билдирди

«Манчестер Сити» бош мураббийи Энцо Мареска жамоа ҳужумчиси Омар Мармуш атрофидаги вазиятга изоҳ берди. Сўнгги пайтларда мисрлик футболчининг клубдаги келажаги фаол муҳокама қилинмоқда. Унга Англия премьер-лигасининг бир қатор жамоалари қизиқиш билдиргани айтилмоқда. Хусусан, «Ньюкасл» ва «Тоттенхэм» Мармушни ўз сафига қўшиб олиш имкониятини ўрганаётган клублар қаторида тилга олинмоқда.

«Мармуш борасида ҳам худди Траффорд ҳақида айтган фикримни такрорлайман. Футболчилар ҳар куни майдонга тушиш учун қаттиқ меҳнат қилишади. Шунинг учун ўйин амалиёти етмаслиги, албатта, уларни ранжитади, бу табиий ҳолат», — дея Маресканинг сўзларини журналист Симон Байковски келтиради.

2025/26 йилги мавсумда Мармуш «Манчестер Сити» таркибида барча мусобақалар ҳисобида 36 та ўйинда майдонга тушди. Мисрлик ҳужумчи саккизта гол урди ва учта голли узатма муаллифига айланди. 27 ёшли футболчининг англиялик клуб билан амалдаги шартномаси 2029 йилга қадар мўлжалланган.