Мареска "Сити"га бешта юлдуздан бирини танлайди

«Манчестер Сити» ярим ҳимояни кучайтиришга киришди. «Манчестер Сити» жорий трансфер ойнасидан фойдаланиб, таркибга яна икки ярим ҳимоячи қўшишни режалаштирмоқда. 

Бу ҳақда GIVEMESPORT нашри хабар берди.

Манбага кўра, биринчи номзод сифатида «Лилль» таркибида тўп суриб келаётган Айюб Буадди танланган. Клублар ўртасидаги музокаралар якуний босқичга киргани, трансфер бўйича келишувга эришиш арафасида экани айтилмоқда.

Иккинчи ярим ҳимоячи масаласида эса «Манчестер Сити» ҳали якуний қарорга келмаган. Клуб бир нечта футболчидан иборат қисқа рўйхат тузган ва ҳозирча беш нафар номзод кўриб чиқилмоқда.

Бу рўйхатдан жой олган футболчилар қуйидагилар: «Челси» ярим ҳимоячиси Энцо Фернандес, «Ливерпуль» футболчиси Алексис Макаллистер, «Кристал Пэлас» ўйинчиси Адам Уортон, «Борнмут» ярим ҳимоячиси Алекс Скотт ҳамда «Рома» таркибида ҳаракат қилаётган Ману Коне.