Маресканинг гапи фанатларга ёқмаса керак

«Манчестер Сити»нинг ғалабасиз серияси уч ўйинга етди.  «Манчестер Сити» бош мураббийи Энцо Мареска Англия премьер-лигасининг 10-турида «Ноттингем»га қарши ўйиндан кейин жамоа мағлубияти ҳақида фикр билдирди. Учрашув «ўрмончилар» фойдасига 3:1 ҳисобида якунланди.

Марасканинг таъкидлашича, бу сафар рақиб ғалабага тўлиқ ҳақли эди.

«Ноттингем» ғалабага муносиб ўйнади. Биринчи бўлимдаги ўйинимиз етарли даражада яхши бўлмади. Бизга мувозанатни сақлаш керак: етти ўйин кетма-кет ғалаба қозондик, энди эса учта ўйиндан бери мағлубиятга учраяпмиз. Шу ҳолатда ўрта йўлни топишимиз, халқаро танаффусдан фойдаланиб, нимани яхшироқ қила олишимизни таҳлил қилишимиз лозим», — деди Мареска.

«Ноттингем»дан кўрилган мағлубият «Манчестер Сити» учун премьер-лигадаги учинчи кетма-кет ютқизилган ўйин бўлди. Бундан аввал «горожане» «Астон Вилла» ва «Брайтон»га ҳам мағлуб бўлган эди.