Мбаппе, тур ўрнингдан!

Франция футболи афсонаси Мишель Платини катта босим ва танқидлар остида қолган ҳамюрти Килиан Мбаппенинг ҳозирги аҳволига муносабат билдирди.

Маълумки, 25 ёшли ҳужумчи ёзда эркин агент сифатида “Реал”га ўтганидан бери ўзидан кутилган ўйинни намойиш қила олмаяпти. Кўпчилик Мбаппе худди Эден Азар сингари Мадрид суперклубида ўйнаб кета олмаслигинидан хавотирда.

- Мбаппе майдонда ўзини йўқотиб қўйгандек кўриняпти. Буюк чемпионлар ердан яна тикка тура олиши лозим. Бу Килиан буюк чемпион сифатида ўрганиши керак бўлган нарса, - деди Мишель Платини.

Мбаппе янги жамоасига мослашиб олиш ва спорт формасини тиклаш учун Франция терма жамоасининг охирги икки йиғинини ўтказиб юборди.