Мбаппе “Барса”ни огоҳлантирди

Испания чемпионати тўпурари Килиан Мбаппе ўнинчи турдан ўрин олган “Реал” ва “Барселона” ўртасидаги “эл-класико”нинг аҳамияти ҳақида ўз фикр-мулоҳазаларини билдириб ўтди.

- Бу учрашувни ҳамма томоша қилишни истайди. Клублар миқёсида бундан аҳамиятли ўйин йўқ.  “Эл-класико”ни фақат Европа Чемпионлар лигасининг муҳим тўқнашуви билан таққослашимиз мумкин холос.

Ла Лига доирасида эса, “Реал” ва “Барселона” баҳсига етадиган даражадаги бирорта учрашув бўлмайди. Биз олдиндаги учрашувда нафақат ўйнаш учун, балки ғалабани кўзлаб майдонга тушамиз, - деди Килиан Мбаппе.

Франциялик 26 ёшли ҳужумчи жорий мавсум Испания чемпионатида тўққизта учрашувда рақиблар дарвозасига 10 та тўп киритиб, тўпурарлар пойгасида пешқадамлик қилмоқда.

“Реал” ва “Барселона” ўртасидаги “эл-класико” 26 октябрь куни Тошкент вақти билан соат 20:15 та бошланади.